平時同女友都中意試下新野，所以接下來會寫下唔同既套套。大部分款我地之前都未試過，當中會有我既comment同埋女友既comment！

點解會選 Durex Mutual Climax呢，一來就係佢標榜兩邊都有感覺，二來佢真係齊好多賣點，又延時潤滑成份又凸點刺激，感覺上抵玩dd。

開箱：

包裝都係一貫杜充既感覺，之前買過另一款G intense都係類似既顏色。

賣點：

加左隻 Performa™ Lubricant (5% benzocaine)，讀上去有d似cocaine既Benzocaine延時用潤滑成份，係醫用產品，用係局部麻醉。Mutual Climax主打可以令女士更容易進入感覺既凸點橫紋設計，基本上就係將持久裝同凸點裝合體咁。

潤滑度：

因為有延時潤滑成份，所以一打開已經感覺潤滑感比平時多。杜記一向潤滑成份都比較易乾，比一般款多潤滑成份就唔使玩到一半額外落KY。

試用評語：

偶爾都會試下杜記唔同款式，但係Mutual Climax之前都冇試過，原因係怕佢用Benzocaine麻醉劑太勁。不敵好奇心，人一世物一世都係試一試！

用落潤滑度係幾足既，partner亦說感覺不錯，刺激確實feel到。似其它杜記既出品，套既佩戴感都比較寬鬆，唔會勒住勒住影響表現，但係相對地活塞運動時就會有小小郁動，粗大既師兄可能會覺得好好使。延時方面，戴完既感覺有d涼涼地，入面既潤滑成份有小小麻痺感，減少左頂部既感覺去達到延時效果。缺點黎講除咗一如以往佢個fitting唔係最貼服，長時間運動下有小小鬆之外，亦有膠味。

整體來說partner同我都係讚好既，係試過既杜記套套入面哩款刺激感比較強，同時做到凸點同延時兩樣野，以前有試過凸點套個效果唔係好覺，而哩款算幾3D。但係橫紋就唔係好覺啦！

撰文︰黑猩猩評測猿