愛滋病病徵似感冒，頭痛易攰都關事 !?

愛滋好像很可怕，如果不幸感染能夠治療嗎？愛滋病病徵究竟會出現什麼特徴？慢慢來，等我為你逐步解開迷團，深入了解這個病狀的認識，及早治療。

HIV vs AIDS究竟是什麼 ?

簡單來說，「AIDS」是疾病，而「HIV」則是一種病毒。愛滋病起源是由HIV病毒引起。

值得注意是：感染HIV病毒並不代表已經患上愛滋。而愛滋患者，體內必定帶有 HIV病毒。體內只要有HIV病毒，就有機會造成傳染，所以就算沒發病也不能忽視。

雖然現今醫學昌明，但仍不能完全根治，只可通過藥物控制病情。姐喺無得醫，除非....醫學再發達啲。

AIDS :

學名：後天免疫缺乏症候群
英文學名：Acquired Immune Deficiency Syndrome
簡介：它是由 HIV 病毒引起的性病。

HIV病毒 :

學名：人類免疫缺乏病毒
英文學名：Human Immunodeficiency Virus
簡介：它是一種病毒， 透過持續破壞人體免疫系統，削弱對病毒的防禦能力。最終有機會演變成愛滋患者。

唔戴套好爽？仲好易出事㗎 !

愛滋病病毒主要透過以下途徑傳播：

1）人體的血液
2）男性的精液
3）女性的陰道體液

啪啪啪是主要感染成因

精液，陰道？沒錯，性病最主要傳染途徑就是做愛！「不安全性行為」是感染比率最高，即不戴安全套進行性交、肛交、口交等。

「咁無套中出，肉掂肉真係好爽啊嘛...😳」
 

爽你個頭！啱啊，除左肉掂肉零距離接觸之外，HIV病毒都同你零距離接觸啊！醒下啦Ching！

如果唔想病毒透過精液，陰道體液和血液傳播，唔想有愛滋病病徵唔該你戴套！戴套！次次都戴ok？

其他感染原因，剃刀都有機會？
除了性交外，還會透過以下途徑傳染：
 

1）使用殘有HIV病毒注射儀器、針頭等穿透工具
2）母嬰垂直感染，胎兒透過血液受到感染。
3）傷口接觸患者血液、精液或陰道體液，或殘有血的器具，如剃刀等。
4）透過移植患有HIV病毒感染的器官

「哇哇好驚驚，會唔會打個乞嗤就傳染架？😱」

好抱歉，其實喺......唔會嘅。與感染者簡單身體接觸、共用公共設施、咳嗽或打乞嗤等，都喺唔會傳染架！所以不要再戴有色眼鏡，去對待HIV病毒攜帶者或病人了。知唔知！

患上愛滋，手尾長到喊出嚟

在臨床醫學上來說，根據愛滋發展過程是分為三個階段：
 

1.感染初期 ➜ 2.空窗期 ➜ 3.病發期
 

感染者在第 1 至第 2階段，會稱為「HIV病毒攜帶者」，到第三階段病發才算真正患病。

1.「急性感染」，呃你以為喺感冒

大部分感染者在感染愛滋病初期，都是沒有任何症狀。感染數天至 3 個月後，有機會出現以下愛滋病病徵或稱為HIV症狀：

－ 發燒、頭痛、喉嚨痛、疲倦、胃口差、惡心
－ 嘔吐、腹瀉、皮膚發疹、肌肉關節疼痛、頸部淋巴腫脹
 

「下，呢啲唔喺感冒病徵咩？😷」
 

啱啊，愛滋病病徵同普通感冒好似。感染初期，連醫生也有機會誤診為其他疾病，都幾得人驚。

如果你無套啪啪啪之後，有類似病徵...
定啲嚟，唔洗驚住，盡快搵專業醫生診斷同檢測先啦

2.「臨床潛伏期」，潛伏10年都唔知

這個階段又稱「無徵狀階段」、「愛滋空窗期」，顧名思義患者不會出現任何病徵。

「哇哇無曬病徵，咁我咪姐喺好翻囉？」

少年，你開心太早了。你體內仍存有HIV病毒，繼續攻破身體免疫系統。潛伏期至到病發的時間難以預計，可能會維持數月，甚至數十年的時間，有人到離世的一刻都不會發病。

最慘喺，呢個階段的HIV病毒極具傳染性。你自己感染左唔知，傳染左比伴侶都唔知啊。

3.「愛滋發病期」，感冒都可以秒殺你

Sorry to say，步入呢個階段，一般病人都不會存活超過九個月，仲伴隨漫長痛苦的愛滋病病徵。
 

此時，你的免疫系統已經被攻陷。身體沒有任何抵抗力，即使是一個小小的感冒病菌都能把你帶走...(好可怕啊/口\)🦠

當然，醫學不斷進步的情況下，可以通過藥物控制病毒的擴展，令到存活率亦不斷提高，病人都可延續生命。

古語有云：唔想有愛滋，戴套簡單啲

雖然現時愛滋是不能根治，但HIV病毒很脆弱的，只要暴露於空氣便會死亡。不想愛滋病症狀纏身，最簡單的方法是：一係唔做愛，一係就戴套。
 

「唔卜野，點得啊？」
 

咁就戴套啦！正確佩戴安全套，能有效阻隔性病病毒，包括HIV病毒，咁就唔怕有愛滋病病徵啦，仲能夠避孕呢。
 

所以各位切記在發生性行為之前，戴套戴套戴套！無論你想性交、肛交、口交、肚臍交、耳仔交都好......唔該，戴套OK？

15分鐘愛滋病檢測，喺屋企都做到？

情到濃時「唔小心」無戴套？或者好似羅X祥「多人運動」之後，啲擔心？擔心，不如做愛滋檢測啦！
 

BioSure愛滋快速檢測，係屋企做愛滋病測試！15分鐘就有結果🩸，即時完成自我測試。唔洗去醫院診所預約，尷尬又麻煩。
 

Sex Fun都有，撳連結睇睇：BioSURE 愛滋病病毒快速檢測

只要身體健康，日日瘋狂清槍

講咗咁耐，大家有爽快的性事之外，都要注重身體健康，不要輕視性病。在性愛路途上，披荊斬棘，長卜長有🤣 Sex Fun一定陪住大家。
 

都係個句，想無愛滋好簡單：記得維持穩定性伴侶，行房時一定做足安全措施。仲有仲有，定期捉伴侶去驗下愛滋啊♥！