有人說電子雞反正流出,不如去賣相,當自己辛辛苦苦做成個月嘢先搵得萬零兩萬蚊,但一啲女仔只要著少啲布,影返幾輯性感相,就可以掉上網等收錢,甚至一個月搵幾皮嘢,你除左懷疑人生之外,會唔會多少有啲憤憤不平呢?有一班人(尤其係連登仔)就相當睇唔起呢啲賣相女仔,稱之為「電子雞」,意思係話佢哋同妓女一樣,本質上都係出賣自己身體「做雞」,只不過轉咗做電子型式啫。不過,女仔賣相真係咁好搵咩?換轉係你又敢唔敢賣先?究竟電子雞賣相真相是甚麼? 理解下香港電子雞相的由來。

賣相示意圖(與圖中小姐無關)。圖片來源﹕Pexels

延伸閱讀︰「我冇你都唔可以有!」重溫子華神魚蛋論

延伸閱讀︰大家點睇賣咸相 – Dcard

唔少連燈仔都睇唔過眼女仔賣相。圖片來源︰lihkg

比haters追擊?

如果有一日你比人擺咗上網公審,你會唔會驚到唔敢出街呢?賣相女仔其實好易成為haters追撃嘅對象,除咗放你上連登引嚟成班人批鬥你之外,仲可能開埋TG群組特登免費share你賣嘅相,等你做唔成生意。你可能賺唔到咩錢,但個名就已經比人搞臭咗。網上嘅人唔只對你評頭品足,仲可能會人身攻擊你,侮辱你。你係咪頂得到呢啲網上批鬥先?

圖片來源︰lihkg

撳一個掣就冇得返轉頭?

女仔一旦擺咗啲性感相上網,就幾乎冇辦法可以清除返,就算下架或者del post,都可能有人會私下back up,再擺返上網。所以女仔賣得相嘅話,就要預咗自己啲相會不斷喺網絡世界流傳。

如果只係普通性感相都還好,但如果係裸照嘅話,你就算再後悔都好(邊個可以保證自己唔會後悔?),其他人都依然可以隨時上網睇返你嘅全相,就好似當年陳冠熙嘅淫照咁。換轉係你嘅話,又敢唔敢撳掣放啲相上網賣呢?

圖片來源︰YouTube@Mill MILK

比人用有色眼鏡看待?

女仔賣得相就預咗要拋頭露面,如果一味遮住自己樣嘅話,啲相唔方好賣。但出樣亦都代表有機會比人認出,用有色眼鏡去睇自己。你可能會比人覺得好cheap,可以為錢就比人睇自己身體,亦都可能比人以為好淫蕩好隨便,好易就會同人上床。仲有無數咸濕仔會DM性騷擾你。你係咪可以承受得到呢種目光呢?

圖片來源︰twitter@msfe_42

隨時斷六親?

比街外人認出係一回事,比自己嘅屋企人、男朋友、朋友、上司、同事認出就仲大件事。好難個個都咁「開通」,接受到你賣咸相賺錢,尤其係裸照或者尺度好大嘅相。有啲人會怪責你點解咁唔自愛,有啲人會疏遠你唔想你影衰佢,有啲人會喺背後講你壞話排擠你。你接唔接受到自己嘅日常生活因為賣相而崩壞呢?

圖片來源﹕Pexels

賣相隨時蝕返轉頭?

賣相並唔係隨便著少兩件衫,拎手機求其影兩下就可以等人課金。試諗下,網上已經有天文數字級數嘅咸嘢,仲要好多免費任睇,點解啲人仲要咁傻比錢買你啲相?當然係因為你可以提供到某啲獨特價值比佢哋,佢哋先願意課金支持返你。

所以賣得相嘅,最少啲相要有返咁上下質素,服裝、攝影、佈景、道具嗰啲都唔慳得,仲需要投入心思同時間去諗班咸濕仔鍾意啲咩,點樣嘅相先可以吸引到佢哋心甘情願課金,都唔係話一件咁客易嘅事。仲未提有一班人會轉售或者流出你辛苦製作嘅甜相。可能最後賣相得返嚟嘅錢,都唔夠cover各種成本。換轉係你,又敢唔敢搞呢壇生意先?

圖片來源﹕Pexels

換轉係你,又敢唔敢賣先?

你可能始終睇唔起呢啲所謂「電子雞」,但唔好以為佢哋只係年少無知嘅女仔,恃住自己年輕貌美身材好,就可以輕鬆賺快錢。賣相嘅價錢其實係包咗好多女仔嘅付出、犧牲同承擔嘅風險。換轉係你,又敢唔敢賣先?

同場加映︰賣甜相的女孩 – ViuTV

撰文︰歐陽聞西
本文內容純屬作者個人意見,並不代表本站立場。