「街邊戀人一對對」，想趕快出Pool拍拖？唔想A0 grad？不如試下「水晶轉運」，小編身邊好多朋友都係戴水晶，然後成功出池。下文一口氣介紹 5 大人氣水晶，幫你快速招桃花，召喚你的靈魂伴侶！

1 粉水晶 – 小毒毒想識人

粉水晶顏色粉嫩，喺水晶界嘅大熱門，成日都見到有人戴。
粉水晶可以重塑戀愛磁場，在人際關係和人緣方面都有功效。比較適合異性緣較弱的朋友，幫你增加個人魅力，催旺異性緣，咁樣出Pool就指日可待啦。

身體方面，粉水晶對應「心輪」，佩戴在胸口可以增益胸肺功能；佩戴左手能柔化心性，佩戴右手會散發磁場，因應不同需求。

Btw如果你本身異性緣都幾好嘅話，就唔建議佩戴粉水晶，如果唔喺，就會有爛桃花啦！

粉水晶手鏈。

粉水晶手鏈。圖片來源：Creema

2 草莓晶 – 想結婚就揀佢

表面佈滿點點的水晶，產於俄羅斯冰原，冰原居然有呢種顏色的，真係十分稀有珍貴。

佢嘅功用同粉水晶幾相似，都係可以增強人際關係。不過草莓晶比較適合想要踏入婚姻關係的人佩戴。如果你想招來一段一生一世的靈魂伴侶，和你踏進紅地毯，咁呢款點點草莓晶就十分適合你啦。

除此之外，仲有讓你心境平和，處世圓滑和諧的功能。

草莓晶手鏈。

3 紅紋石 – 失戀綠帽專用石

紅紋石有大量錳元素，對應「心輪」，作為失戀的治愈石頭。

除了吸引愛情之外，紅紋石能量溫柔，能夠清理負面情緒，幫助你從沮喪失戀的情緒重新走出來。所以如果你啱啱經歷重大愛情創傷，失戀、被背叛，你都十分適合戴紅紋石嚟幫你重新搵到生活嘅定位，同埋幫你吸引真正契合嘅伴侶。簡單嚟講：爛桃花拜拜，Soul mate在你手。

對於身體，紅紋石都有功效喎。佢有助調整淋巴線運作，同埋可以舒緩癌症的痛處，喺外國喺用嚟抗癌嘅石頭嚟架。

紅紋石手鏈。

4 月光石 – 溫柔女性代表

月光石，顧名思義當然同月亮有關啦。佢代表陰柔嘅力量，非常適合女仔佩戴架。

月光石會平靜你嘅心情，讓你性格比較柔性一啲。如果你成日都會容易燥底忟憎，就啱曬你。將你變得處事溫和親近啲，化解你與人之間的衝突。

身體方面，月光石可以緩和經痛、提高生育能力。調節內分泌，預防水腫。如果擺喺枕頭底，夜晚仲好訓啲架。

月亮石手鏈。

5 紫水晶 – 喺真愛啊貴人

紫水晶代表權利、智慧和財富。同樣有心神安寧，平靜和睦的功效，幫助我地撥開迷霧，不再迷失自己。

佢好特別嘅地方喺可以招貴人，而「貴人」姐喺同我地磁場相近的人，而往往貴人當中都會暗藏你的美好愛情架。同時，佢都有穩定愛情關係嘅作用，如果有穩定伴侶的話，十分適合戴紫水晶喇。

延伸閱讀：除ifc殘廁外，5 大「Gathering」熱門打野戰場地大賞

紫水晶。

戴左手定右手？千奇唔好戴錯

好多人會問：究竟水晶要帶喺左手定右手？

由於水晶磁場有「左進右出」的原則，戴左手就是讓磁場進入身體，戴右手則是散發磁場。簡單來說：左手修正個人，右手吸引別人。

譬如說在左手佩戴粉水晶、草莓晶、紅紋石等，可以讓我們個人充滿愛的正能量，變得柔軟平和。而戴在右手，變成「攻擊模式」，來把愛人全部吸引過嚟啦。

上文提及嘅紫水晶，戴喺左手可以幫我地冷靜思考問題，增加智慧修行。戴右手便能招財招貴人。

不過，如果按照脈輪學嘅講法，其實水晶手鏈戴喺邊隻手都係無分別嘅，因為晶石都可以傳遞能量比我地。同埋可以留意個人感受，如果一直都戴得好唔舒服嘅話，就要換手或者換過第二款喇。

水晶手鏈戴左手還是右手。

神奇水晶 盡信就傻仔喇

水晶當然有佢嘅磁場同能量，如果你又受盡單身嘅苦惱，一直出唔到pool，咁你當然可以試下「水晶出pool」。話唔定一段好姻緣從天跌落呢~

不過想提下大家：都唔好過分相信佢個效用啊。佢最多都係充當輔助嘅角色，最重要都係要你本體嘅轉變啊。多啲進修自己，培養唔同興趣，保持內心積極善良，主動踏出舒適圈試下唔同野。你會發現自己慢慢散發一種正能量，同埋個人魅力，咁樣出pool？輕輕鬆鬆啦。

最後，祝大家早日出池，以後情人節都可以閃盲其他人！喺咁先，拜拜。

出pool的方法。圖片來源：whatscap

撰文︰天竺鼠JJ

本文內容純屬作者個人意見，並不代表本站立場。